Antologi Cerkak Kembang Kemladhih

“...Jeruk kuwi dionceki dening Resti, banjur disigar-sigar. Sigarane dijejelake marang aku. Aku didulang. Dheweke ngguyu kemekelen nyawang jeruk kang muncu-muncu ing cangkemku.

            “Emmm ehhtiii...” Protesku nalika Resti njejelake sigaran jeruk kuwi ing cangkemku. Aku ngerti yen dheweke lagi ngajak gegojegan. Aku uga mbales. Sigaran jeruk liyane dakjejelake marang dheweke, nanging endha.

            Swasanane banget endahe. Manuk-manuk kang gegojegan ing wit-witan lan dara kang golek pakan ing plataran kuwi kaya-kaya muni “suit suiitt” marang aku lan Resti. Bibit-bibit rasa kang tan bisa didungkapake tuwuh ing telenging ati. Rasane mung endah lan endah, durung tau dakrasakake sadurunge...”

Penulis : Arfa Dhani Nugraha